腦爸打: 網頁設計, 網站製作, 手機應用程式開發 iphone Android mobile apps, SEO Google Yahoo 搜尋排名提升
青年創業故事、創業例子: 又禁堂食,Speed Dating點搞呀? - 青年創業軍@青年創業軍

又禁堂食,Speed Dating點搞呀?

刊登日: 2022-01-21 • 作者: 青年創業軍 • 公司/機構:青年創業軍

又禁堂食,Speed Dating點搞呀?

最近疫情關係大家又冇得出去食晚飯,唔少Speed Dating客人都好疑惑,問香港交友業總會Speed Dating活動有冇取消,活動又會點進行。各位唔使擔心,Speed Dating活動係持續進行中,只不過係有少少改變。

第一,當然業界暫時未有晚餐活動啦。不過其實汲取過以往經驗,Speed Dating界近月一直主攻下午茶活動,所以晚餐堂食被禁後,Speed Dating影響都不大。至於單對單約會客人,雖然本身配對顧問幫唔少客人訂好咗餐廳,但客人都明白情況,願意改喺星期六日下午約會。

第二,業界調整咗活動令患病風險減低。每場活動減至十男十女參加,以遵守政府守則,又能增加每檯之間距離。至於唔想參加食飯活動嘅朋友,都可以參加番一啲手工藝班如甜品工作坊或書法班,喺一個安全環境下認識異性。

最後,業界持續發展網上Speed Dating配對服務。自從被第一波疫情影響,業界開始咗Zoom嘅範疇。HK Romance Dating創辦人張惠萍 Anita不時舉行線上講座,教客人唔同提升知識,包括心理、形象及禮儀指導。當中,單對單約會客人係可以免費參加,等各位即使未能夠約會,都可先增值自己一番。

無論晴天陰天雨天,Speed Dating活動都唔會停下來,香港交友業總會希望同行都能因應情況靈活走位,唔受大環境影響!

 

**註: 「香港交友約會業總會」是非牟利之會員制交友行業組織,於 2018 年 9 月註冊成立,宗旨是團結香港交友約會 Speed Dating  戀愛輔導 業界,提升交友約會從業員的專業知識、專業操守和社會地位。

Share:
46


> > 按此回到「青創軍報」,查看其它創業故事報導