總司令叫我寫的題目重點應該係「充滿活力創業」，其實我想講總司令的活力先係最厲害，跑勻整個香港，小弟真係佩服萬分。我不想寫得太勵志，反倒想寫得入肉點。
我諗總司令應該係見我不停試不同的業務，由依靠佣金生存的網絡推廣，再到網絡公關，再到落地的摩天輪營運(其實仲有幾樣)都未死得(最近又為一間法國交友Apps成為香港大使，成立了一個中醫portal)，先至會叫我寫呢個題目。
總的來說，我不算是個深謀遠慮的人，所以好多時都唔會諗太多，先試做，然後再決定下一步，亦因此有失敗的項目s(有”s” 因為都有幾多)。
創業快近5年，心態上確有轉變。有時「創滿活力」其實也是逼不得已，你就係你艘船的船長，你身邊的拍檔同事都睇住你點做，如果自己都冇活力，身邊的人會好客易受你影響。但活力這回事係好奇怪，好似一駕車，當你的引擎開順左，就會越行越順。
當然，要保持保力係有一定難道的，創業真係充滿起起伏伏，我都會有攰有失望的時間，當你冇生意，苦無對策時，壓力大到失控，就算更正面都好，總會有冇晒動力的時間，以前可能要兩個星期回復，依家則越來越快了。
寫呢編文章心態好奇怪，夠竟我應該強調自己好有活力還是如實寫下呢? 我選擇如實一點，活力某程度上也是鍛練出來的，就是經過不同的上落，習慣左有落呢個情況，自然較容易接受，自然活力亦較能維持。