李嘉誠(超人)素來金句多多，與大家分享成功的經驗，唔知大家掌握到幾多? 近來已甚少接受訪問的李嘉誠，在一次《彭博》的專訪 大講4金句，你一定要識啦!
1. 我好留心現金流，我要有額外資金，好多時候，我要隨時做另一個行業，我都有呢個機會。
現金流對於創業的人來說聽就聽得多了，但究竟有幾多位真係明白? 《富爸爸》系列大受歡迎，也是以現金流為重心。 簡單講，就係你訓係度咩都唔做，仍然可以賺到錢，然後你用多出的空餘錢和時間去投資或經營其它的項目。 當然，講就易，點樣訓係度咩都唔做仍然可以賺錢? 各位創業青年，這就是考你的地方啦!
2. 依家，好多自動化係用人工智能控制。
人工智能是現今潮流大勢，同阿媽係女人無咩分別。 不過接返第一點講到的訓係度咩都唔做都可以賺錢，自動化就係關鍵。過往，我們會靠請員工和機器去自動化，但若果你能夠善用人工智能，自動化得來更人性化 (例如懂得從中學習提升服務)，創業路上定必相得益彰。
3. 我晚上一定睇書，如果我只有一個鐘頭，即使唔夠訓、夜訓，我一樣會揀睇書。
共享經濟大行其道的世界，人的賣點就係你自身有幾多能力。書本的知識學海無涯，創業你一定要張張刀!
4. 自強不息，厚德載物，係我人生嘅座右銘。
「天行健 君子以自强不息 地势坤 君子以厚德载物」出自《周易》的名言，明白這句說話的就知李嘉誠是一位多麼有文化底蘊及世界責任感的企業家。