青年創業有感[關於startup ，我想說的其實是]

導致失敗既原因有好多，但係係講原因之前，都係想奉勸各位有志創業既朋友，千祈唔好做一個startup idea 係你唔熟悉/唔熱愛既行業﹗唔好做你唔熟悉/唔熱愛既行業﹗唔好做你唔熟悉/唔熱愛既行業﹗唔熟唔做﹗唔熟唔做﹗唔熟唔做﹗雖然重要的事說三遍，但係我都 知，無人會聽唔入耳，包括未做startup 之前既我。

點解做一個唔熟既行業會咁易死呢？最主要就係你唔知mud 野先係你客人想要既野。點解你係打工入面提出既idea往往都會被老闆賞識，同事愛戴？因為你日日都對住個舊野，點樣令到個workflow smooth d, turnover 快 d，d 客buy 多d，你都一清二楚，呢個就係最重要既 insight，或者係我地成日講既秘密。而當你去做一個你唔熟悉既行業，就好似有一個剛入職一個星期既新人，對你做緊既野指指點點，然後要求公司加人 工。除非你係絕頂神童加上間公司係超級落後，如果唔係，你都估到個建議既含金量係有幾高。做自己熟悉既行業，就可以避免左做左一D無人要既野出黎，因為起 碼就算無人用，自己都有用呀碼

其實同樣既說話真係無數人講過，但係仆過街既朋友（係呀，就係我自己，望咩，仲有你呀），就會深切地體會到。所以，都係講多一次，唔好做你唔熟悉／唔熱愛既題目﹗唔好呀﹗返去打工啦，聽唔聽到呀？

（你可能會話Uber/ GoGoVan 個founder 都唔係做call 台／司機啦﹗迷你倉都唔係做貨倉起家啦﹗無錯，所以如果你真係要做你唔熟悉既topic，都係得既，但係個做法就要唔同了。下篇再講。)