(青年創業有感2 - 浪) [關於startup，我想說的其實是]

[浪]

據我觀察，10個白手出黎做startup 既，9 個都好勤力。可能我有bias，但係偷懶或者唔做野，心態馬馬虎虎既，真係唔多。問題就黎啦，個個都咁勤力，咁點解十個做startup，九個半都死呢？

我既答案，又即係曹仁超既答案，就係你個topic 有無食住個C（勢）啦，或者好多人叫既浪啦。有浪既生意，最明顯既特徵就係 D 客係自己會走上門，而唔需要你去搵既。更正既係，隨著時間既推移，係會越黎越多客自己排隊送錢俾你駛。你會問，有無咁好呀？係有既，遠既唔講，例如你係 10/11 年開始賣iphone手機殻，又或者你係 07/08 年開始去韓國入時裝／化妝品返香港賣，又或者你係10/11 年開間幫人寫手機App 既公司，你諗都諗到，D 客係會自己上網／問朋友邊度有D咁既野賣。以上講既area 都好competitive，好多人做，但係即使係咁，你都唔需要好勤力，因為個浪會迫你發達。就算個老闆好懶，係以上時間做以上既野，你都係一樣會收錢 收到手軟。

調返轉，一個好勤力既老闆，例如佢同樣係10/11年開舖賣手機殼，但係佢係賣blackberry/nokia 既手機殻(你要記住09/10 年，仲係好多好多人用BB/Nokia)。你又可以想像到，無論佢幾勤力，日日做宣傳，開舖開足24個鐘，隨著時間既推移，生意只會越黎越慘淡，執笠係遲 早既事。

呢個道理，對於打工仔／你買股票同樣applies。好多時候，唔係你老闆唔想加人工俾你，而係佢無能力加，因為根本無咁多生意。但係如果你加入既公司係食緊個大浪，或者你個部門係食緊浪，一年升兩次職都唔會係難事啦  試想像，同樣能力／態度既人係07年啱啱出iphone 時加入 Apple ，同加入Microsoft，邊個會升職升快D？就算同一間公司，你95年 入Sony 去Playstation department 同 Sony Walkman Department，我相信你既人生都會有截然不同既分別。

打咁大篇野，都係想分享下我既體會，懂得分辦浪好重要，好重要，好重要，什至我覺得係職場最最最重要既技能。勤力／態度好多人都有，有人有運氣，唔需要觀察都去到浪頂。而無運氣既大部分人，就要好好鍛鍊你個隻看浪的眼囉