ViuTV 的《全民造星1》參賽者， 一提起大家可能會想到 Mirror 和 Error，但其實同一季的參賽者當中，亦有相當多的出色藝人歌手，除了一直堅持著歌唱的演藝夢，亦同時為自己的人生開展了新的一頁。 酮福堂 創辦人 梁奕藍 ， 以藝人歌唱的熱情創立生酮飲食健康品牌 ，並勇奪第二屆 香港十大傑出創業青年，以下是他的獲獎感言:
「
感謝大會及評審團給予我過去兩年對推廣生酮飲食努力的肯定， 最緊要多謝我老婆對我的支持及信任，同我一齊行呢條生酮飲食之路！ 我從2002年音樂製作開始參與演藝工作， 直至2018年參加《全民造星》需要拍攝《造星後感》MV，覺得自己身型上鏡唔夠靚，機緣巧合我美國有個朋友在IG講生酮飲食，我自己就系網上不斷揾有關資料，就系甘吸引左我開始生酮飲食之路，當時成功三星期內將體脂由18% 降到6%。拍完MV，我仍然一直維持生酮飲食，而且越來越有興趣想知道生酮飲食的野，揾唔同營養師朋友同埋醫生朋友深入瞭解生酮飲食，低碳飲食的知識， 發現原來生酮飲食或者低碳飲食系可以幫到好多人解決身體疾病的問題！
我好明白嘗試節食或有醫生指示需要控制飲食的人，面對自己鐘意的食物，但又要忍住唔可以食，真系好難受。我自己其實好為食，系外面買的生酮食物好多都唔系好好味，從而激發左我自己研發一D自己好想食的野，轉化成生酮低碳版，慢慢 慢慢儲了不同的食譜又分享我的製成品比我D朋友，最終我幾位好朋友就鼓勵我將這些自家研發好味生酮食品變成商品，分享美食之餘又可以幫到身體有需要無糖低碳的人。
為左實現生酮食物可以好似一般食物甘好味，打破生酮食物系甘難食的定律， 2020年我正式創辦酮福堂，成為第一個打正生酮低碳飲食的品牌出現系香港市場，為大眾制做無添加，全天然成分，利口又利福的美食，唔洗有人為節食或控制飲食而放棄美食，同時努力滿足生酮低碳飲食人士日常膳食的需要，令大家好方便好容易就買到好味的生酮低碳的早午晚餐，甚至下午茶同小食。 籍籍無名的【酮福堂】至到今日開始有幾間一線連鎖零售百貨公司，主動邀請我地進駐他們的店設專櫃，甘樣我地就能夠為更多生酮低碳飲食群眾好方便甘解決三餐。
尼緊我地會同幾個專業機構包括大學教授設立生酮低碳協會，推廣比更多人去認識生酮低碳飲食的方方面面，同時有幾個香港及東南亞品牌同我地酮福堂聯乘出不同產品實行創造共融價值，強強聯手，制做更大更有效的品牌效應， 目標五年來成為亞洲第一的生酮低碳食品品牌，我地會努力通過推動健康飲食黎為減少社會醫療負擔出一份力，回饋社會，希望通過普及生酮低碳飲食黎令好多身體有需要的人過得更健康更開心。
【從今天開始為未來改變，我們相信讓不可能成為可能。】
再一次多謝大會，多謝評審團，多謝屋企人的支持同肯定，多謝大家
」