Ayu畢業以後，除了比賽外，有做過內衣設計、舞台劇服裝設計、女裝男裝，最後選擇了男士西裝設計，她笑言原因是「一，咁其實係我畢咗業，大家經常都會聽到服裝業已經係夕陽行業，要維持生計，亦好想繼續做時裝，就有開設西裝店呢個念頭，畢竟唔少男士都需要度身訂造西裝去工作，係唔少人嘅必需品。 二，時尚化嘅西裝仍然係市場上嘅缺口，當時經常會聽到男性朋友家人，覺得男裝唔太多選擇，所以我想將個人嘅理念同埋品味去帶俾所有人。 三：對於fashion出身的我，西裝在成衣上的製作係較為複雜，而我個人比賽鍾意挑戰細緻，而且將新concept擺入傳統西裝上亦係好有趣。 」

西裝店Astra Tailoring有什麼主要產品和服務？

1) 度身訂造，仔細量度每個身體部分，提供西裝，禮服，恤衫，多款唔同布料選擇。

2) 比較着重於意見上的提供，首先會問客人佢套衫嘅用處：上班、結婚、宴會，例如結婚的話會考慮埋新娘子嘅禮服配襯，拍攝pre wedding地點會否合適或痴地。 由於Ayu是時裝設計出身，都對身形上配合的形態有一定嘅意見嘅，根據客人身形去提供意見,鬆身寬身，突出優點遮掩缺點。 另外就係顏色，冷暖膚色可以襯托到咩顏色西裝。

「環保西裝」是什麼的概念？

首先西裝就唔係市面上嘅fast fashion,為地球帶來好大浪費，而面料優質的西裝可以着到比較長時間而且款式上歷久常新。 另外，Ayu經常在布行或外地的市集會看見一些剩餘幾碼的布料，我們叫他們做古董布，布料背後都有佢嘅故事，可能係其他品牌餘下嘅物資，有些甚至本身不是用來做西裝的，但Ayu發現咗佢嘅可塑性，製成品往往為西裝帶來意想不到的效果。想通過Astra Tailoring去帶俾大家一個訊息，去珍愛它們的的衫，重質不重量。

目標客戶？ 如何做宣傳推廣？

Ayu 會視所有人其實都係她的目標客戶，大多數前來搵她們是因為想試新造型的貪靚男士，其次結婚，保險地產客戶，西裝是什麼款式並不重要，最重要是當事人穿得舒服有自信，咁先係一件好嘅西裝。另外，宣傳推廣大多都是經網上廣告或朋友介紹，其次就是明星效應，有時候藝人會著上舖頭嘅衫，都有一定宣傳效果。另外，Ayu每年都會制作比較創意性較高的collection,參與唔同嘅Fashion show，慈善活動，展覽。

面對同業競爭愈激烈，如何保持自身優勢？

個人比較少留意同業競爭 保持自我風格，對自己熱愛嘅事保持堅持，學習，除了考慮服裝嘅功能性同埋裝飾之外，更多係作為一個媒介去立足當代。

未來發展計劃

推出新系列，跟更多業界人士合作或走向國際化 產品上希望開發更多配件accessories,持續將品牌理念推廣出去。