腦爸打: 網頁設計, 網站製作, 手機應用程式開發 iphone Android mobile apps, SEO Google Yahoo 搜尋排名提升
青年創業故事、創業例子: Thann 香港區總代理 Barbara  打造香港高性價比按摩店 - 青年創業軍@青年創業軍

Thann 香港區總代理 Barbara 打造香港高性價比按摩店

刊登日: 2023-07-12 • 作者: 青年創業軍 • 公司/機構:青年創業軍

好多香港人都長時間工作,日忙夜忙,真係要對自己好一些,例如爭取時間休息、做spa, 可以放鬆心情,舒緩頸更膊痛,而做Spa唔一定飛去泰國,香港都有國際級香薰水療,今次請來Thann 香港區及澳門區總代理 Barbara 分享!


當初為何會創業?
Barbara在中學時期,爸爸去泰國做生意,Barbara就在泰國住了四年,雖然當時係讀國際學校,但都好了解泰國嘅文化,這因素就為Barbara鋪定了之後的一個機會。

到出來工作之後就感受到香港人嘅工作壓力,長年累月緊張的生活,也驅使到Barbara的睡眠質素越黎越差。當時一次旅行,發現 THANN 這個品牌全部產品都係採用純天然植物精油提煉而成,香薰產品係可以幫助舒緩平時緊張嘅生活,又可以幫助睡眠。一個咁優質嘅品牌除了零售,亦有 SPA服務,非常適合香港市場的需求。

Barbara反問自己在亞洲邊個國家嘅 SPA 最出名? 答案一定係泰國,而 THANN 亦是泰國其中一間最優質嘅品牌,THANN SPA 也曾經被一本國際級雜誌,評級為全球50最佳 DAY SPA 之一,那可以說是 THE BEST OF THE BEST!

於是Barbara就決定將這個品牌引入香港,然後用半年時間去做資料搜集,準備好計畫書,聯絡泰國品牌方好多次都冇回覆,但Barbara都堅持繼續努力,終於收到品牌方邀請過泰國洽談合作的事宜!好成功咁一次會面已經取得香港及澳門的總代理,就係因為Barbara本身響零售業務已經有經驗,知道香港人的需要,再加上Barbara曾經係泰國住過,了解泰國嘅文化背景。

將 THANN 這品牌帶來香港的時候,Barbara將其定位為 HOME SPA PRODUCTS,當時好多人都唔明白是何物,所以都用了好多時間去教育香港的消費者,即大家於 SPA 所有見到,聞到,接觸到的都可以讓你返屋企用,於家中都可以享受到舒壓嘅效果。

 

主要的服務包括?
主要分為零售包括所有 HOME SPA PRODUCTS,即面部,頭髮,身體護理,香薰產品等等……

另外就是提供國際級水療按摩服務,包括 FACIAL TREATMENT,BODY TREATMENT 同埋獨家嘅盬療腳部按摩。所有技師都是泰國 THANN SPA 直接委派最有經驗嘅團隊於海外市場,亦因為這原因,Barbara的技師都可以提供到享受服務於客人。

 

不同按摩手法功用(中,泰,日)
泰國 ~ 注重腰部、背部部位伸展,以活動關節為主。

中國 ~ 融合了中醫理論,以針灸,穴位,經絡為主。

日本 ~ 日式按摩即係指压,相對温和。

 

如何研發,推出新產品,水療服務?
至於研發新產品,Barbara會交回泰國總公司負責。每年Barbara都會向總公司提出一些市場新方向,泰國的研發部門就會因應不同國家或地區的需求已去進行研究。
 

目標客戶? 如何做宣傳推廣去接觸客戶?(男士商機)
Barbara的目標客戶是一些對生活有要求、懂享受的人士。至於宣傳方面不外乎都係通過 SOCIAL MEDIA,PR,舉辦工作坊,等等……去做推廣。但反而最著重的係客戶體驗,因為只要產品好、服務做好,口碑自然好。客人的口碑就是最強勁的推廣渠道!。

Barbara特別睇好香港的男性 SPA 市場,因為現時香港 SPA 都係主攻女性客戶,男士可以選擇的優質品牌就真係比較少。而 THANN 形象比較中性,所以非常適合男士市場。

因此今年新方向,是要進入澳門市場尋找策略性夥伴合作,藉由Barbara13年經驗,知道如何可以成功營運這盤生意。

Share:
618


> > 按此回到「青創軍報」,查看其它創業故事報導